I. 2017-nji ýylyň 26-njy awgustynda kabul edilen «Hukuk namalary hakynda» Türkmenistanyň Kanunyna (Türkmenistanyň Mejlisiniň Maglumatlary, 2017 ý., № 3, 96-njy madda) şu üýtgetmeleri we goşmaçalary girizmeli:

1) 1-nji maddanyň 19-njy bendinde «tertipleşdirilen» diýen sözi «ulgamlaşdyrylan» diýen söze çalşyrmaly;

2) 7-nji maddanyň ikinji böleginde:

1-nji bentden soň şu mazmunly bendi goşmaly:

«11) Türkmenistanyň Halk Maslahatynyň kadalaşdyryjy hukuk kararlary;»;

7-nji bendi şu görnüşde beýan etmeli:

«7) welaýatlaryň, etraplaryň we şäherleriň halk maslahatlarynyň (mundan beýläk — halk maslahatlary) kadalaşdyryjy hukuk kararlary;»;

3) 8-nji maddanyň ikinji böleginiň 3-nji bendinden soň şu mazmunly bendi goşmaly:

«3¹) Türkmenistanyň Halk Maslahatynyň kadalaşdyryjy hukuk kararlary;»;

4) 11-nji maddadan soň şu mazmunly maddany goşmaly:

«11¹-nji madda. Türkmenistanyň Halk Maslahatynyň kadalaşdyryjy hukuk kararlary

«Türkmenistanyň Halk Maslahaty hakynda» Türkmenistanyň Konstitusion kanunynda göz öňünde tutulan ygtyýarlyklaryny amala aşyrmak üçin kabul edilýän Türkmenistanyň Halk Maslahatynyň kararlary kadalaşdyryjy hukuk namalary bolup durýar.»;

5) 12-nji maddanyň mazmunynda «we ýatyrmagyň» diýen sözlerden soň «, Türkmenistanyň Halk Maslahatynyň kararlaryny ýerine ýetirmegiň» diýen sözleri goşmaly;

6) 13-nji we 16-njy maddalaryň mazmunynda «Konstitusiýanyň we kanunlaryň» diýen sözleri «Konstitusiýanyň, kanunlaryň we Türkmenistanyň Halk Maslahatynyň kararlarynyň» diýen sözlere çalşyrmaly;

7) 14-nji, 15-nji we 17-nji maddalaryň mazmunynda «kanunlaryň,» diýen sözden soň «Türkmenistanyň Halk Maslahatynyň kararlarynyň,» diýen sözleri goşmaly;

8) 33-nji maddanyň adynda «namasynyň» diýen sözden soň «taslamasynyň» diýen sözi goşmaly;

9) 37-nji maddanyň birinji böleginiň 1-nji bendinden soň şu mazmunly bendi goşmaly:

«1¹) Türkmenistanyň Halk Maslahatynyň kararlary — Türkmenistanyň Halk Maslahatynyň Başlygy;»;

10) 39-njy maddada:

birinji bölegiň ikinji tesiminde «kadalaşdyryjy» diýen sözden soň «hukuk» diýen sözi goşmaly;

ikinji bölegiň ikinji tesiminden soň şu mazmunly tesimi goşmaly:

«Türkmenistanyň Halk Maslahatynyň kadalaşdyryjy hukuk kararlary «Türkmenistanyň Mejlisiniň Maglumatlarynda» çap edilýär.»;

11) 42-nji maddanyň üçünji böleginiň 2-nji bendinde «kodeksler, kanunlar,» diýen sözlerden soň «Türkmenistanyň Halk Maslahatynyň kadalaşdyryjy hukuk kararlary,» diýen sözleri goşmaly;

12) 52-nji madda şu mazmunly bölegi goşmaly:

«4. Türkmenistanyň kadalaşdyryjy hukuk namalaryny döwlet tarapyndan hasaba almagyň we ulgamlaşdyrmagyň tertibi Türkmenistanyň Ministrler Kabineti tarapyndan kesgitlenýär.».

II. Şu Kanun resmi taýdan çap edilen gününden herekete girizilýär.